Blog Kaise Banaye ? Full Guide In Hindi.

Hello friends ardtunes.com par aapka swagat hai . Aaj ham janane wale hai ki Free Me Blog Kaise Banaye ? Aajkal har koi internet se paise kamane ke bare me soch raha hai. Aise me jo pahla income ka source hai , wo hai youtube. Lekin youtube par har koi video banane me success nahi hota hai kyoki isme aapko recording karna padta hai , editing karni padti hai , clear audio rahna chahiye tabhi aapka video jyada se jyada view aur share hoga aur income bhi hoga.

Lekin wahi ham income ke dusare source blog ko dekhe to isme itna sab karne ki jarurat nahi hai. Bas aapke andar typing ka junun rahna chahiye. Fir aap blog post likhkar online income kar sakte hai. Ispar video nahi balki koi badhiya topic search karke post likhne par aasani se paisa kama sakte hai.

Aaj ke date me young generation jyada se jyada internet se jude hai. we official work karke paisa earn karna chahte hai. To mai aapko bata dena chahta hu ki blogger ek aisa plate form hai jiske jariye hame apna career start karne me koi paisa nahi lagta hai aur yadi isper ham apna expression , experience public ke sath share karke paisa to kama sakte hai aur sath hi sath apne country aur world me bhi blogging ke area me famous ho sakte hai.

Also Read >>> Hindi Language में अपने Blog पर कोई Post कैसे लिखे ?

Blogging Kya Hai ?

Blogging ke bare me to aap jante hi honge . Yadi nahi to mai aapko bata du ki Blogging ek aisa plateform hai jaha par ham apna koi bhi topic likhkar logo ke sath online share kar sakte hai. Ab main aapko ek example dekar samjhata hu. Example ke liye yadi aapko email id banana hai aur aapko pata nahi hai ki email id kaise banate hai to aap google me search karte hai ki email id kaise banaya jata hai ?

To aapke samne jo result aata hai , kya aap jante hai ki google hamare question ka result kaha se deta hai . Google to bhagwan hai nahi ki ham jo bhi search kare , uska answer turant de de. Result ka main karan hai blog ya website. Different people apne type ka blogger site banate hai aur apni jankari us site per share karte hai aur jyo hi ham koi question search karte hai to us se related answer hamare samne show hone lagta hai jo ki ek blogger site per hi rahta hai.

Free Me Blog Kaise Banaye ?

To chaliye friends jyada time pass na karte huye sidhe point per aate hai ki Free Me Blog kaise banaye ?  Iske liye aap niche bataye gaye steps ko dhyan se follow kare.

Step 1. Sabse pahle google me jakar apne emai id ke madhyam se login kare aur fir search kijiye ‘Blogger.Com’.

Step 2.  Uske bad  search karke “Blogger.com – create a new blog” per click kare. Click karte hi aapke samne ek naya page open hoga jisme ‘Create Your Blog‘ par click kare. Niche ke image me dekh sakte hai.

create a blog on blogger.com

Step 3. Uske bad aapko profile select karna hai jisme aap ‘google+ profile’ select kare jiske bad aapko Google+ Profile Create karne ke liye bolega. aapko profile create karne me kuchh karna nahi hai details apne aap fill ho jayega aur aapko bas ‘Create your profile’ par click karna hai.

Step 4. Ab google+ profile create hone ke bad ‘continue to blogger’ per click karna hai. Click karte hi aapke samne ek naya page open hoga jisme aapko ‘CREATE A NEW BLOG’ per click karna hai.

Step 5. Agle page me aapko apne blog ka title aur niche blog ka url type karna hai. yaha dhyan dene ki bat hai ki aap jo url type karenge uske last me ‘.blogspot.com’ add hi rahega. uske bad aap apne blog ka koi ek theme select karke ‘create blog’ per click kar de. Niche ke image me aap dekh sakte hai.

write your website name

To is tarah aapka blog create ho chuka hai. Ab aapko ‘create new post’ par Click karke new post likhna hai. Iske liye aap niche diye gaye post ko bhi padh sakte hai ki Apne Blog par first post kaise likhe.

Also Read >>> Blogger Site पर अपनी First Post कैसे लिखे ?

Also Read >>> Godaddy Se Sasta Domain Aur Hosting Kaise Kharide ?

Blog से जुड़ी कुछ Important बातें |

Ab aapne free me blogger site banana to sikh liya . Lekin yah nahi jana ki isme post , comment , theme etc ka jo option hai , uska kya upyog hai. Arthat hame dekhna hoga ki hamare blog par din bhar me kitna log blog post padhne aaye to ham kaise dekhenge. Chaliye ab sabhi details me jante hai.

1 . View Blog :- Sabse upar Sidebar me blog ke name ke bad jo view blog ka option hota hai , uspar ham click karke apne blog ko dekh sakte hai.

2 . Posts :-  Ab jo dusra option hota hai , wo hai posts ka. Ispar click karne par hame 3 option uske niche hi dikhayi dete hai jo ki is prakar hai.

  1. All – Isme we sabhi post ka lists dikhayi deta hai , jo aapne likh kar publish kiya hai ya abhi thoda sa topic likhkar save kiya hai.
  2. Drafts – Is option me un sabhi post ki list show hoti hai jo aapne thoda sa likhkar save kiya hai.
  3. Published – Isme usabhi post ki list show hoti hai , jo bhi aapne likh kar publish kiya hai.

Note – View blog par click karke dekhne par kewal unhi post ko dekh sakte hai , jo bhi aapne publish kiya hai. Yadi aap koi post thoda sa hi likhkar use save karke apne blog par dekhenge to wo nahi dikhai dega.

3 . Stats :- Yah jo option hota hai , isme ham apne blog ka stats report dekh sakte hai . Ispar click karne par 4 option dikhayi dete hai. jo is prakar hai.

  1.  Overview – Isme jo niche 3 option hai posts , Traffic Sources aur Audience ka , in tino ka report ek sath dekh sakte hai.
  2. Posts – Ispar click karke aap dekh sakte hai ki kaun sa post kitna view huwa.
  3. Traffic Sources – Ispar click karke aap yah jan sakte hai ki aapke blog par jo traffic aaye , wo kis madhyam se aaye arthat google se ya bing se ya direct site name search karke.
  4. Audiance – Isme apne site ke traffic report ka country wise report ka details dekh sakte hai.

4 . Comments -: Yah comments ka jo option hota hai , ispar click karke aap dekh sakte hai ki aapke site par kisi ne comment kiya hai ya nahi.

5 . Earnings -: Iska kaam to abhi baad ka hai. Ispar click karke aap adsense par apna account bana sakte hai aur fir apne blog se paisa kama sakte hai. 

6 . Pages -: Is option par click karke apne ke liye kuchh important pages ko bana sakte hai. Jaise ki About Us , Contact Us , Disclaimer , Privacy Policy etc.

7 . Layout -: Ispar click karke aap apne site ke design ko apne anusar customize kar sakte hai. Arthat Isme aap yah set kar sakte hai ki site me sabse upar header me kya dikhana hai , Sabse niche Footer me kya dikhana hai , Body arthat post ke option me kya dikhana hai tatha sidebar ke option me kya dikhana hai.

 8 . Theme -: Theme ka jo ye option hai , ispar click kar ke ham apne site ke theme ko apne anusar customize kar sakte hai. Arthat isme set kar sakte hai ki header ka color kaisa hoga , footer ka color kaisa hoga etc. Aur sabse badi baat yah hai ki isi option par click karne par upar kone me ‘Backup/Restore’ ka option rahta hai , jispar click karke ham apne site ka theme arthat design change kar sakte hai.

9 . Setting -: Yah last option hai , jisme aapko kuchh changing nahi karna hai. Isme bhi aap chahe to bahut kuchh kar sakte hai. Jaise ki Blog ka name , url badal sakte hai. Homepage par post ka no. fix kar sakte hai.

Also Read >>> Apna Youtube Channel Kaise Banaye ? Bilkul Free Me.

Also Read >>> Vidmate Se Direct Memory Me Koi Video Kaise Download Kare ?

Final Word :-

To aaj ke is post me aapne Free Me Blog kaise Banaye ? , iske bare me jana. Sath hi Blog se related kuchh important jankari bhi hasil ki. Yadi aapko isse related koi bhi problem ho to aap hamse comment karke puchh sakte hai. Aur yadi aapko yah post pasand aayi ho to ise jyada se jyada share kare taki aise hi useful post ham aapke liye likhte rahe.

Share this post on social media:

About Arvind Maurya

I am Arvind Kumar Maurya. The Founder and SEO of ardtunes.com I like helps the people. In this site I have tried to give you top level information as the area ACCOUNT, BLOGGER, WORDPRESS, MOBILE etc.
View all posts by Arvind Maurya →

11 thoughts on “Blog Kaise Banaye ? Full Guide In Hindi.

    1. sabse pahle aapke blog par 15 – 20 post aur about us , contect us , privacy policy page rahna chahiye. phir aapke apne site ka design achha aur seo friendly rahna chahiye. uske bad aap adsense ke liye apply kijiye. account approve hone ke bad adsense ke ads apne blog par lagakar paisa kama sakte hai.

Leave a Reply

Your email address will not be published. Required fields are marked *