Broken Link Kya Hai ? Ise Kaise Fix Kare ?

Hello friends ardtunes.com par aapka ek bar fir se aapka swagat hai. Aaj ham jan ne wale hai ki Broken Link Kya Hota Hai Aur Ise Apne Blog Ya Website se kaise remove karte hai.

Darasal blogging ki area me jo new log hote hai , unko broken link ke bare me kuchh bhi pata nahi hota hai. Isi karan unka blog ya website rank nahi kar pata hai aurwe log ant me nirash hokar blogging ko chhod dete hai.

Isiliye aaj maine socha ki kyo na Broken Link ke bare me ek complete jankari di jaye jisse ki sabhi logo ko ek sahi jankari iske bare me mil sake aur we log apne website ko google me achhi tarah se rank kara sake.

Broken Link Kya Hai ?

To chaliye friends sabse pahle yah jan lete hai ki Broken link kya hota hai ? Broken Link aapke blog ya website par ka wah link hota hai jisko open karne par 404 error aata hai. Ab isko ek example ke madhyam se samjhe.

Maan lijiye ki aapne koi blog post likha aur kuchh din bad usko delete kar diye ya fir uska url arthat link change kar di. Ab yadi koi user ya fir aap , us link ko open karenge to aapke samne 404 error aayega. Ise hi broken link bhi kahte hai.

Yah link 2 prakar ke hote hai – 1. Internal Link and 2. External Link

Internal link aapke blog ke kisi post ka link hota hai jabki external link kisi dusre ke website ka link hota hai.

Ab bahut se log yah bhi sochte honge ki external link hamare blog par kaise hua hoga. To chaliye jan lete hai.

Maan lijiye ki aapke blog ke kisi post par koi user comment karta hai to usme wah apne site ka link bhi dalta hai. Kuchh din bad maan lijiye usne apna site close kar diya to aapke blog par wo broken link ban jayega.

Broken Link Kaise Check Kare ?

Ab chaliye main aapko broken link check karne ki ek best site ka name batata hu , jiski help se aap bilkul aasani se apne blog par ke broken link ko check kar sakte hai. Is website ka name hai – Brokenlinkcheck.Com

Is website ki sabse khas baat yah hai ki aapke blog par jitne bhi broken link rahenge , uski ek perfect location show karega , jisse ki aapko is link ko apne blog se remove karne me aasani hogi.

Broken link check karne ke liye kuchh karna nahi hai , bas aapko upar bataye gaye website Brokenlinkcheck.Com par jana hai. Phir aapko apne site ka name dalna hai aur uske niche wale option me captcha code dalna hai , jo ki aapke samne diya hoga aur phir Report all occurrences of each dead link (may be slower) par tick karke Find Broken Links Now par click karna hai. Uske bad aapke blog ko scan kiya jayega aur fir aapke samne sabhi dead links ki list show hogi. Niche ke image me aap dekh sakte hai.

how to check broken link

Broken Link Ko Apne Blog Se Kaise Remove Kare ?

Ab aapne broken link ya dead link check karna to sikh liya . ab chaliye jaan lete hai ki is dead link ko apne blog ya website se kaise remove karte hai.

Iske liye aap jitne bhi post me internal link add kiye hai , usko check kar lijiye ki sabhi link open ho raha ki nahi. Ab maan lijiye ki kisi post ke url ko aapne change kiya hai to usko sabhi post ke andar , jaha bhi aapne add kiya hai , usko bhi change kar de. niche ke image me dekhe.

how to change permalink

Ab maan lijiye ki kisi user ne aapke blog par comment kiya hai aur usme apne site ka link add kiya hai. Baad me yadi wah apne site ko delete kar deta hai to wo aapke blog par ek broken link ban jayega. Isko remove karne ke liye comment section me jakar us user ke comment ko edit kare aur fir uske site ke link ko remove kar de.

Is prakar aap apne blog par ke sabhi broken link ko aasani se remove kar sakte hai.

Also Read >>> Vidmate Se Koi Bhi Video Kaise Download Kare ?

Also Read >>> Adsense Ka Link Ad Unit Kaise Banaye ?

Final Word :-

To aaj ke is post me aapne jana ki Broken Link kya hai aur apne blog par se broken link kaise check kare ? yadi yah jankari aapko pasand aayi ho to apne friends ke sath bhi share jarur kare. Sath hi yadi isse related koi problem ho to comment karke puchh sakte hai.

Share this post on social media:

About Arvind Maurya

I am Arvind Kumar Maurya. The Founder and SEO of ardtunes.com I like helps the people. In this site I have tried to give you top level information as the area ACCOUNT, BLOGGER, WORDPRESS, MOBILE etc.
View all posts by Arvind Maurya →

Leave a Reply

Your email address will not be published. Required fields are marked *